Verkefnin

Hrafnshóll þróar hagkvæmar húsnæðislausnir og sérhæfir sig í að byggja húsnæði á landsbyggðinni. Við byggjum hratt og örugglega !

Súðavík

Súðavíkurhreppur samdi við Hrafnshól haustið 2019 um kaup á þremur íbúðum af fimm sem byggðar verða við Grundarstræti í Súðavík. Nýjatún-leigufélag kaupir tvær íbúðir. Framkvæmdir hófust í desember 2019, og halda áfram þegar vetur konungur losar tökin. Reiknað er með að húsin rísi í apríl 2020 og verði til afhendingar í júní/júlí.

Búðardalur

Bakkahvammur hses (húsnæðis-sjálfseignar-stofnun) samdi við Hrafnshól um byggingu þriggja íbúða í fimm íbúða raðhúsi sem rís nú við Bakkahvamm í Búðardal. Nýjatún-leigufélag kaupir hinar tvær íbúðirnar.
Afhending íbúðanna er vorið 2020.

Blönduós

Á Blönduósi byggir Hrafnshóll fimm íbúða raðhús. Kaupandinn er Nýjatún-leigufélag, sem er dótturfélag Hrafnshóls. Sveitarfélagið styður við verkefnið með samningi um skilyrta leigutryggingu á þremur íbúðum. Íbúðirnar verða tilbúnar í byrjun mars 2020 – og eru þá liðnir um fjórir mánuðir frá því framkvæmdir hófust.

Reykhólar

Vorið 2018 byggðum við þriggja íbúða raðhús fyrir Reykhólahrepp, sem réðst í verkefnið til að mæta íbúðaskorti í sveitarfélaginu. Frá fyrstu skóflustungu og að afhendingu íbúðanna liðu rétt um 4 mánuðir.
Íbúðirnar eru byggðar inn í stofnframlagakerfi HMS.

Vík í Mýrdal

Við Strandveg í Vík höfum við byggt 15 íbúðir í fimm raðhúsum. Fyrsta raðhúsið var byggt fyrir Mýrdalshrepp sem hafði frumkvæði að því að koma verkefninu af stað og keypti þrjár íbúðir. Tólf íbúðir fóru í sölu á almennan markað og hafði tilkoma þeirra mikil áhrif á að koma hreyfingu á fasteignamarkaðinn í Vík.

Hrífunes Nature Park

Árið 2017 byggði Hrafnshóll fjögur glæsileg hús í Hrífunesi á Suðurlandi. Þessi hús eru nú í útleigu og rekin undir merkjum Hrifunes Nature Park. Við erum mjög stolt af útkomunni og gestir í húsunum dásama veruna þar.